Наурыз мейрамы – бұл барлық қазақстандықтар үшін сүйікті көктемнің тамаша мерекесі ғана емес, сондай-ақ жақсылыққа деген ерекше үміттің уақыты, сонымен қатар азаматтық жауапкершілікті көрсету мен бүгінгі күні қолдауды аса қажет ететін адамдарға көмек қолын созу мүмкіндігі.
YDD Corporation және Asia Ferroalloys кәсіпорындары Наурыз мейрамына орай қарағандылық 250 отбасына азық-түлік жиынтықтарын табыстады. Әлеуметтік маңызы бар азық-түлік, оның ішінде май, қант, жарма, ұн, макарон және кондитерлік өнімдер, шай және т.б. Қарағанды қаласы Әлихан Бөкейхан атындағы ауданының көп балалы және аз қамтылған тұрғындарына таратылды.
Сондай-ақ, кәсіпорындар Наурыз мейрамын жалпы қалалық деңгейде тойлау салтанатына белсене қатысты. Қарағанды қаласының қалалық саябағында YDD Corporation және Asia Ferroalloys кәсіпорындары бірлесе мерекелік безендірілген киіз үй орнатты, онда шығарылатын өнімдердің үлгілері қойылды. Қарағандылықтар шойынның беріктігін және бетонның пайдалану қасиеттерін арттыруға, сондай-ақ азаматтық және өнеркәсіптік құрылыс үшін заманауи конструкциялар жасауға қолданылатын өнімдерді шығарушы болып табылатын біздің кәсіпорындардың қызметтерімен танысты.
Ал YDD Corporation, Asia Ferroalloys компанияларының және «Сарыарқа нан Қарағанды» нан зауытының қызметкерлері мереке қарсаңында волейболдан жолдастық кездесулер өткізді. Жарысқа барлығы 6 команда қатысты, олар командалық рухты көрсетіп қана қоймай, салауатты өмір салтына деген ұмтылысын көрсетті.
YDD Corporation және Asia Ferroalloys компанияларының ұжымы барлық қазақстандықтарды Наурыз мейрамымен құттықтайды!
Осы жарқын мереке әрбір үйге, әрбір отбасына өзара түсіністік, амандық пен молшылық әкелсін!
